Albistea entzun

Galdeketa boluntarioen esku utzi dute, baina hautetsontziak bermatuko ditu Masen gobernuak

"Denok jardungo dugu azken ondorioetara arte, baina galdeketaren exekuzioa boluntarioen esku dago orain", esan du Joan Rigol ituneko koordinatzaileak.

Erabakitzeko Eskubidearen Itun Nazionalak urriaren 24an eginiko bilera.
Erabakitzeko Eskubidearen Itun Nazionalak urriaren 24an eginiko bilera. Alberto Estevez / EFE

Jon O. Urain -

2014ko azaroak 7 09:46

Joan den asteartean, Espainiako Auzitegi Konstituzionalak bigarren aldiz itxi zion atea azaroaren 9ko galdeketari. Debekua ikusita, Kataluniako Gobernuak bilerara deitu zuen Erabakitzeko Eskubidearen Itun Nazionala, eta gaur egin dute bilkura hori. Bertan eztabaidatu dute nola bermatu igandeko galdeketa.

Artur Mas Kataluniako Gobernuko presidenteak ituneko gainerako eragileei bermatu die gobernuak jarraituko duela galdeketaren antolaketaren buruan. Joan Rigol ituneko koordinatzailearen esanetan, "prozesuaren ardura amaierara arte" bere gain hartu du CiUren gobernuak: "Gobernuak ez dio bere zereginari muzin egin".

Hala ere, galdeketa gauzatzea boluntarioen esku utziko dutela argitu du Rigolek. Hala ere, gobernuak babes legala emango die boluntarioei, eta hautetsontziak bozkalekuetan izango direla bermatuko du gobernuak. Rigolek azaldu du bileran nabarmena izan dela "batasun giroa".

Galdeketa eragile sozialen esku uzteko aukerak oihartzun handia izan du astean zehar. Gobernuak galdeketaren ardurari eustearen alde agertu dira, esaterako, ANC Kataluniako Biltzar Nazionala eta ERC. Atzo, ordea, Rafael Catala Espainiako Justizia ministroak azaldu zuen PPren gobernuak ez duela esku hartuko kontsultaren antolaketa eragile sozialek egiten badute. Zehazki, adierazi zuen Estatuaren abokatua Kataluniako Gobernuaren urratsak aztertzen ari dela, Auzitegi Konstituzionalaren agindua betetzen duela bermatzeko. CiUren gobernuak kontsulta sustatzen ez badu, PPrenak "ez du adierazpen askatasuna galaraziko", Catalaren esanetan. 

Ziurgabetasun egoera horretan, mossoen egitekoa ere eztabaidagai izan da azken orduetan. 7.000 mosso inguru mobilizatu dituzte iganderako. Kataluniako Gobernuko Barne kontseilari Ramon Espadalerrek ohartarazi zuen mossoek ez dutela Espainiako Barne Ministerioaren nahiz Kataluniako Gobernuaren agindurik betearazi behar, baina bai, ordea, epaitegiek hala eskatzen badute.

BERRIAren mahai ingurua, Bartzelonatik: "Neurtu behar da noiz egin desobedientzia eta noiz ez"

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Palestinako herritarrak Israelgo segurtasun indarrek hildako palestinar baten hiletan, Ramallahn. ©Alaa Badarneh / EFE

Israelen eta Palestinaren arteko gatazka «borborka hastear» dagoela ohartarazi du NBEk

Maddi Iztueta Olano

Erakundeak bi estatu sortzeko plana onartu zuenetik 75 urte betetzen dira gaur, baina liskarrak ez du etenik izan ia. Israelgo segurtasun indarrek hiru palestinar hil dituzte bart.

Erreskatatu dituzten hiru gizonak, 'Alithini II' petrolio ontziaren lema gainean. ©@salvamentogob

Petroliontzi baten lemaren gainean 11 egunez iraun duten hiru lagun erreskatatu dituzte Kanarietan

Paulo Ostolaza

Ontzia Lagostik abiatu zen, Nigeriatik, azaroaren 17an. Lehen arreta eman eta gero, hipotermia zantzuekin ospitaleratu dituzte hiru gizonak.

Jens Stoltenberg NATOko idazkari nagusia, atzo, Bukaresten egindako agerraldian. ©ROBERT GHEMENT / EFE

Stoltenberg: «NATOk Ukraina babesten jarraituko du, eta ez dugu atzera egingo»

Mikel O. Iribar

Mendebaldeko aliantza militarra bilera egiten ari da Bukaresten. Reutersen arabera, NATO presio egiten ari zaie armak ekoizten dituzten enpresei, hornidura «arazoak» dituztelako.

Irango emakumeen aldeko protesta bat, Istanbulen (Turkia), larunbatean. ©ERDEM SAHIN / EFE

Iranek ez dio lagunduko NBEri protestetako errepresioa ikertzen

Maddi Iztueta Olano

NBEk misio bat sortu du Mahsa Aminiren aldeko mobilizazioetako errepresioa ikertzeko. Protestetan 300 lagunetik gora hil dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.