'Tipularen sehaska kanta' dokumentala BERRIAn bihar eta etzi

Tipularen sehaska kanta filma. BERRIA.
urtzi urkizu
Donostia
2023ko apirilaren 04a
00:00
Entzun
Osasunaren Munduko Eguna izango da ostirala, eta, hori baliatuta, Sare herritarrak irekian zabaldu nahi du bi egunez Tipularen sehaska kanta dokumentala. Espetxean gaixotasunak dakarren samina azalera ekartzen du film horrek, eta BERRIAren webgunean edonork ikusi ahalko du bihar eta etzi. BERRIAren Youtubeko kanalean ere jarriko dute.

Lander Garrok zuzendutako dokumental hori Euskal Herriko hainbat herritan proiektatu dute azkeneko hilabeteetan, eta aste honetan Interneten ikusteko modua egongo da.

Preso erien lekukotzak jasotzen dira lanean, baita senide batzuen eta presoen osasun arloan lan egiten dutenen batzuena ere. Kanaldude telebistak eta Gastibeltza ekoiztetxeak ere parte hartu zuten dokumentalaren ekoizpenean, eta BERRIAizan zen babesleetako bat. Telebistaz Kanaldudek estreinatu du, duela gutxi.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.