51 urteko langile bat hil zen atzo 11:40ean Iurretako Smurfit Kappa papergintza enpresan (Bizkaia). Langilea enpresako tanke baten barnean zegoen, eta ondoezik sentitu zen. Lankide batek atera zuen tanketik.
Larrialdi zerbitzuek langilea suspertzeko maniobrak egin zituzten, baina hila zela baieztatu behar izan zuten. Gainera, larrialdi zerbitzuetako bi ertzain artatu zituzten, bertan izan zen gas jario batengatik intoxikatu zirelako.
