Angula arrantzatu ahal izango dute, baina profesionalki

GASTEIZ. Eusko Jaurlaritzak eta Euskadiko Anguleroen Elkarteak aurkitu dute bide bat angularen arrantzarekin jarraitu ahal izateko: sektorea profesionalizatzea. Europako Batasunak debekatu egin du angularen kirol arrantza, eta hori egiteko 700 lizentzia eman zituen iaz Jaurlaritzak. Hurrengo arrantzaldian, azarotik urtarrilera, 150 angulari baizik ezingo dira aritu. Azti arduratuko da urtero gehienezko harrapaketa mugatzeaz, baita betetzen dela ikuskatzeaz ere.