Ostiraletik aurrera Arabiar Emirerri Batuek LPEE Lurralde Petrolio Esportatzaileen Erakundeko kide izateari utziko diote, 59 urte ondoren. Emirerriak aliantza horretako kide dira Saudi Arabia, Iran, Irak eta beste herrialde batzuekin batera. Talde horrek, Errusia eta haren aliatuekin batera (LPEE + taldea), munduko petrolio ekoizpenaren erdia inguru kontrolatzen du, eta prezioak finkatzea da haien helburua.
Azken urteetan, tentsioak izan dira LPEEren barruan Emirerri Batuen eta Saudi Arabiaren artean, ekoizpen kuoten inguruan. Bi herrialdeek interes ekonomiko eta estrategiko desberdinak dituzte. Arabiar Emirerri Batuek beren ekoizpen gaitasuna handitu nahi izan dute, eta horrek talka egin du LPEEren estrategiarekin.
Desadostasun politikoak era izan dituzte Saudi Arabiarekin, Ekialde Hurbileko egoerarekin loturik. Bi herrialdeen arteko tentsio horiek ez dira berriak. Azken urteetan behin baino gehiagotan berritu dira. Yemengo gerran, adibidez, aurkari diren talde politiko eta militarrak babestu dituzte.
Abu Dhabik ere egin izan du LPEEtik irteteko mehatxua.
Erabakia baieztatuko balitz, aldaketa handia ekarriko luke petrolioaren merkatura. Arabiar Emirerri Batuek askatasun handiagoa izango lukete ekoizpena handitzeko, eta horrek eragina izan lezake prezioetan.
