DONOSTIA. Asviamie amiantoaren biktimen taldeak jarritako salaketaren ondorioz, Gipuzkoako Gizarte Segurantzak aitortu du Juan Carlos P.T. amiantoaren eraginez hil zela. Hori dela eta, dagozkion kalte ordainak emango zaizkio hildakoaren alargunari. 2022ko urrian hil zen, 66 urte zituela, biriketako minbiziarekin.
Gaixotasuna amiantoarekin lan egiteak eragin zion. Hamar urtez egin zuen lan Hernaniko Biyakbat fabrikan, non amiantoa zuten lurrun galdarak eta tutuak manipulatzen zituen. Ondoren, hiru urtez egin zuen lan Pasaiako portuan, eta geroztik eta erretiroa hartu arte, Pasaiako Algeposa enpresan.
Aurtengo apirilaren 23an, Osalan Laneko Segurtasun eta Osasunerako Euskal Erakundeak, langilea amiantoarengatik hildako posibleen artean jarri zuen; besteak beste, 2021. urtean Osakidetzako txostenak hamar urtez amiantoarekin kontaktuan egon zela biltzen zuelako.
Asviamiek salatu du «ebidentzia eztabaidaezina» izan arren Osakidetzak eta Onkologikoak ez zutela bete amiantoak eragindako gaixotasunaren susmoa jakinarazteko betebeharra; gaixoaren eta familiaren kalterako, eta mutuaren mesederako, bestela mutualitateak pagatu beharko lukeelako kalte ordaina, eta ez Gizarte Segurantza.
Kalte ordainak amiantoak hildako langile batengatik
Iruzkinak
Ez dago iruzkinik
Ordenatu
