Langile batzordeak berretsi egin du oharren bidez baino ez duela hitz egingo

Lan ituna berritzeko prozesuak Mercedesen lantegiaren etorkizunarekin zerikusi handia izango duela inor gutxik zalantzan jartzen du. Konpainiak pisu handia du Arabako eta Euskal Herriko ekonomian, zuzenean edo zeharka, eta ikusmin handia piztu du. Langile batzordeko sindikatuek batera erantzun diote orain arte erronkari, eta batasun horri eusteko argudioarekin, hedabideekin harremanak soilik prentsa oharren bidez egingo dituztela berretsi dute, edo batera egindako prentsaurreko deialdiekin.