1.000 eguneko presoaldia oroituko dute Altsasun

ALTSASU. Altsasuko auziaren harira espetxeratutako Adur Ramirezek, Jokin Unamunok eta Oihan Arnanzek kartzelan mila egun egingo dituztela oroitzeko egitaraua antolatu dute Altsasuko gurasoak eta Altsasukoak aske plataformakoek larunbatean, Altsasun (Nafarroa). Eguerdian mezu-liburu bat aurkeztuko dute, eta, 20:00etan egingo dute ekitaldi nagusia, Foruen plazan.