* Atharratzen (Zuberoa) hasiko da eta Lekornen (Lapurdi) bukatuko du eguna. Maulera iritsiko da 17:00etan, eta Donibane Garazitik igaroko da goizaldean.
* Hastear da Korrika, pizkundearen akuilu izatea xede. Gaur abiatuko da, Atharratzetik Bilbora, 'Euskara gara' lelopean. 2.180 kilometroan barrena zeharkatuko du Euskal Herria, eta 3.436 lekuko hartze izango dira guztira.
* Puntadaka ehuntzen den sarea
15:30, abiatu da 24. Korrika Atharratzetik
Ane Elordik lekukoan sartu du mezua, eta abiatu da Korrika. Ximun Karrere eta Charlotte Etxeberri Euskal Irratietako langileek eraman dute lekukoa lehen kilometroan.
15:00, hasi da Korrika abiatzeko ekitaldi nazionala
Joaldunek bidea ireki dute Atharratzeko plazan. Bardozeko (Lapurdi) dantza taldearen emanaldia eskaini diote plazan bildu den jende guztiari.
Txalaparta doinuek iragarri digute zerbait handia gertatzen ari dela, hemen euskaraz bizi den herri bat badela! #24Korrika #Atharratze pic.twitter.com/5iMMrNFPXB
— AEK-KORRIKA (@AEK_eus) March 19, 2026
14:00, jendetza Atharratzeko plazan
15:00etan hasiko da Korrika hasierako ekitaldi nazionala. 14:30etik 16:00etara, BERRIAk eta beste hainbat euskal hedabideren webguneek zuzenean emango dute Korrikaren hasierako saio bateratua.
Ordubete eskas falta da ekitaldi nazionala hasteko, eta 15:30ean abiatuko da 24. Korrika. @berria pic.twitter.com/sXlrz1iO5Q
— Irati Urdalleta (@UrdalletaIrati) March 19, 2026
12:00, hastear dago 24. Korrika
Atharratze (Zuberoa) prest dago 24. Korrikari hasiera emateko. 10:00etan izan da Korrika txikia, eta festa giroa nabari da herrian. Jendetza joan da, Hego Euskal Herrian jaieguna baita.
Jendetza ari da etortzen Atharratzera. Giro bikaina dago plazan. @berria pic.twitter.com/8gZOsxq65s
— Irati Urdalleta (@UrdalletaIrati) March 19, 2026
