Lapurditik ezingo da Bordelerantz joan A 63 autobidetik gaurko 19:00etatik aurrera. Arcachon eta Bordele inguruan dauden sute handiak direla eta, agintariek zirkulazioa galaraziko dute A 63 autopistak A 64arekin bat egiten duen puntutik, betiere, Bordelerako norantzan.
Agintariek eskatu dute Euskal Herritik Landetara ez joateko, suteak itzaltzeko lanak ez oztopatzeko.
Azaldu dutenez, irteera hauek itxiko dituzte: Bordele, Baiona Iparraldea (6. irteera), Ondres (7.a), Capbreton (8.a) eta Saint-Geours-de-Maremne (9.a). Irteera horiek erabili behar dituzten gidarientzat desbideraketak ezarriko dituzte, A 64tik, A65era eta A 62ra.
Landetan (Okzitania) asteon piztu diren suteen eraginez 250.000 lagun inguru ebakuatu behar izan dituzte. Sutea joan den asteartean piztu zen Saumos herrian, eta 42.000 hektarea eta ehun eraikin inguru erre ditu. Ostegunean, Cap Ferret penintsula husteko agindu zuten, Arcachon parean, eta Bordeleko hiru auzo eta inguruko zazpi herri. Larunbat gauean beste 55.000 pertsona etxetik ateratzeko agindua eman zuen Sophie Brocas prefetak, Marcheprime, Le Barp, Biganos, Mios et Cestas herrietan.
Ikusi gehiago
