Adineko zikloturista bat hil da, istripua izanda

ZARAUTZ. Gizonezko bat hil zen, atzo goizean, Zarautzen (Gipuzkoa), bizikletan ari zela, erori eta min hartu ondoren. Herrizaingo Sailaren arabera, istripua Asti auzoko hormigoizko pista batean gertatu zen, 09:30 aldera. Lekuko batzuek ikusi zuten txirrindularia erorita, eta larrialdien telefonora deitu ondoren, osasun zerbitzuetako langileak joan ziren ezbeharra gertatu zen lekura. Baina ordurako hilda zegoen.