"Penaz" esan du EH Bilduko ordezkari Amaia Azkuek ez dutela lortu PSE-EEren babesik mozioaren inguruan. Harreman joriak izan dituztela adierazi du, baina PSE-EEk azkenean ordezko beste testu bat aurkeztea erabaki duela.
EAJk, bere aldetik, beste testu bat aurkeztu du, zeinean "berdintasun" hitza aipatu ere ez baita egiten. "Hiru puntu ditu testuak; hiruretan agertzen da 'elkarrizketa' hitza", nabarmendu du Maije Zelaia ordezkari jeltzaleak. Esan du, halaber, bizkortu egin direla gatazka bideratze aldera hilabeteotan egin diren urratsak, eta instituzioak horiek hauspotzea beste helbururik ez duela izan behar.
PSE-EEren mozioa puntuka bozkatzeko eskatu dute azken orduan jeltzaleek, eta haien testuko puntu bat onartu dute, elkarrizketaren ingurukoa hori ere.
EH Bilduk eta Elkarrekin Podemosek esan dute harago egin behar dela. Gogoratu dute alarde ez-parekidearen inguruko hainbat gaztek emakumeen eskubideen alde egin dutela aste honetan bertan, eta bide horretan "erabakigarria" izan behar duela erakundeen jarrerak ere.
