'Ahotsak.eus' atariak jaso du Abadia saria

Gipuzkoako Foru Aldundiaren Anton Abadia saria jaso zuen atzo Ahotsak.eus webguneak, Markel Olano ahaldun nagusiaren eskutik. Duela hemezortzi urte sortu zuten Ahotsak proiektua, ahozko ondarea jaso, berreskuratu eta zabaltzeko. Aho batez hartu zuen erabakia epaimahaiak. Euskararen lurralde guztietako eta euskalki guztietako ahozko testigantzak biltzen egindako ahalegina goraipatu dute.