Astelehenean, Hondarribiko alardearen egunean, «alarde baztertzailean ardura duen kide bat» Jaizkibel konpainiako kide bati oldartu zitzaion, Hondarribiko jaietan txosnen ardura duten elkarteek salatu dutenez. Jaizkibel konpainiako kide izate hutsagatik oldartu zitzaiola zehaztu dute. Ondorioz, «liskarra» sortu zen txosnagunean, «eta gune ez segurua bihurtu zen».
Erasoa gaitzetsi dute txosnak kudeatzen dituzten elkarteek: Muara kultur elkarteak, Mugimendu Sozialistak, Lotura eta Psilocybe musika elkarteek eta ASE surf klubak. Ohar baten bidez ohartarazi dute ez dutela erasorik onartuko txosnagunean, «ezta Jaizkibelen kontrakoak ere». Babesa adierazi diote erasoa jasan zuen pertsonari.
