Alonsotegin «arduraz» jokatzeko eskatu dio EH Bilduk PSEri

ALONSOTEGI. EH Bilduk PSEri eskatu dio Alonsotegin (Bizkaia) «ardura politikoarekin» jokatzeko larunbateko inbestidura saioan. Orain arte EAJk gehiengo absolutua izan du, baina azken bozak EH Bilduk irabazi ditu. Bosna zinegotzi dituzte EH Bilduk eta EAJk. PSEk, berriz, ordezkari bat dauka, eta, beraz, haren esku egongo da EH Bildukoak ala EAJkoak egin alkate. Herritar talde batek agerraldia egingo du gaur, inbestiduraren harira.