Gipuzkoako Diputazioaren proposamena onartu du Bidegik: Gipuzkoako errepideen —AP-8 eta AP-1— erabiltzaileek hilean 25 euro ordaintzea, horiek erabiltzeagatik. Hala baieztatu du Gipuzkoako Bide Azpiegituretako diputatu eta Bidegiko zuzendariak, Larraitz Ugartek.
Ugartek Bidegiko administrazio kontseilura eraman zuen atzo proposamena, eztabaida zezaten. Diputazioko ordezkariek, Bilduk, PSE-EEk, Aralarrek eta EAJk proposamenaren alde egin dute; PPk, berriz, ez du botorik eman.
Proposamena onartu ostean, foru lege bat prestatuko du Bide eta Azpiegituretarako Departamentuak. Legea prestatu eta gero, Gipuzkoako Batzar Nagusietan aurkeztuko dute. Batzar nagusiek egitasmo hori onartzen badute, diputazioak espero du 2013. urte hasierarako indarrean jartzea.
Plan integral baten beharra
EAJk, PSE-EEk eta PPk bidesarien inguruko plan integral bat diseinatzeko eskatu diote Ugarteri, «unean uneko» neurriak hartu beharrean; egin beharreko moldaketak argi adierazten dituen plan baten beharra nabarmendu dute. Aralarrek, berriz, esan du neurri egokia dela gidarientzat, krisi garaia dela kontuan hartuta.
AP-1 eta AP-8 erabiltzeagatik gehienez 25 euro pagatzea onartu du Bidegik
Lege dekretua egingo du Gipuzkoako Foru Aldundiak, eta batzar nagusiek onartu beharko dute ondoren
Iruzkinak
Ez dago iruzkinik
Ordenatu
