Aralarrek Garitanori emango dio babesa

Patxi Zabaleta Aralarreko koordinatzaile nagusiak iragarri duenez, bere alderdiak Bilduko hautagai Martin Garitanori emango dio babesa Gipuzkoako Batzar Nagusietan ostegunean egingo den inbestidura saioan. «Hori hala izango da, inolako zalantzarik gabe, Udaletan gertatu den moduan», adierazi du.

Zabaletak gogoratu duenez, Bilduk alderdi guztien presentzia onartu du Gipuzkoako Batzar Nagusietako Mahaian, «eta hori oso positiboa da; kontuan hartu beharreko erabakia», nabarmendu du.

Gipuzkoako Batzar Nagusietan koalizio abertzalearen aldeko botoa emateko arrazoien arteanBilduk Aralarri iragarritako proposamen «programatikoak eta bakearen aldekoak» daudela adierazi du Zabaletak.