Aralarrek VII. Kongresua egingo du gaur, alderdia desegitea erabakitzeko

IRUÑEA. Aralarrek VII. Kongresua egingo du gaur Iruñean, eta azkena ere izan daiteke, zuzendaritzak alderdia desegiteko proposamena egingo baitu, eta kontrakoa proposatzen duen aldaketarik ez baita orain arte aurkeztu. Aralarreko zuzendaritzak uste du «ziklo bat» itxi egiten dela, Aralarrek helburuak bete dituela eta orain ezker abertzale «zibil eta zabala» osatzeko inoizko abagunerik egokiena dutela.