Aranzadi Iruñeko plataformak akordioa egin nahi du ezker estatalarekin datozen udal hauteskundeetarako: Ahal Dugu-rekin, Ezkerrarekin eta Equorekin. Duela lau urteko bozetan, bakarrik aurkeztu zen —lehen aldia zuen—, eta hiru zinegotzi lortu zituen,botoen %9,5 jasota. Aldaketaren udal gobernua babestu zuen. Ezkerrak hautetsi bat eskuratu zuen, %5,7ko sostenguarekin.
Aranzadiren ustez, UPNren, PPren eta Ciudadanosen arteko ituna «arrisku larria» da eskubideen, askatasunaren eta Iruñeko ohituren aurka. Hori ikusirik, aipatutako ezkerreko indarren elkar hartzea nahi duela dio. «Politika modu irmoan eta ausartean» egiteko moduko hautagaitza osatuko lukete, haren arabera. Alderdien interesak albo batera uzteko eskatu du.
Hala, plataformak ongi hartu du Gaxan Sad Iruñeko Ahal Dugu-ko alkategaiak metaketaren alde hitz egin izana.
Aranzadik ezker estatalarekin akordioa egin nahi du Iruñerako
Iruzkinak
Ez dago iruzkinik
Ordenatu