Ausardiaz jokatzeko deia egin dio EAk gobernuari

EAk ETAri eskatu dio armak uzteko erabakia «ahalik eta lasterren» emateko eta Espainiako Gobernuari «ausardiaz jokatzeko eta arriskatzeko».

Ebazpenaren bigarren puntua nabarmendu du Urizarrek, Espainiako eta Frantziako gobernuei erreferentzia egiten diena. «Espainiako Gobernuak ezinezko izango du Kofi Annan bezalako adituaren iritzia baino aitzakia hobeagorik aurkitu euskal gatazkaren korapiloa askatzen hasteko». Ebazpenaren hirugarren eta laugarren puntuak berretsi ditu, eta adierazi du beharrezkoa dela biktima guztien aitortza, gai politikoak eztabaidatzeko foroa eta herri kontsulta. «Marko juridiko-politikoa eta euskal gizartearen borondate politikoa bat datozenean iritsiko da behin betiko normalizazioa».