Autogobernu Lantaldeak erabakiko du adituen epea luzatzearen eskaeraz

GASTEIZ. Eusko Legebiltzarreko Mahaiak atzo goizeko bileran erabaki zuen Autogobernu Lantaldearen esku uztea estatus berriaren testu artikulatua idazteko ardura duen aditu taldeak eginiko eskaera. Ekainaren amaieran bukatzen zitzaien lana emateko epea, baina eskatu dute epe hori azaroaren 30era atzeratzeko. Lantaldeak oraindik ez du datarik bilera egiteko, eta orduan ebatziko dute epea luzatu ala ez.