«Bake prozesuari» buruz galdetu diete diputatugaiei

Bakegileek gutun bat helarazi zieten Frantziako Asanblearako bozetara aurkeztuko diren hautagaiei, «bake prozesua sostengatzera» engaiatzeko. Ipar Euskal Herriko hiru hautesbarrutietako 32 hautagaietarik 11k izenpetu dute: Egoitz Urrutikoetxeak, Peio Dufauk, Mathilde Haryk (EH Bai), Julien Lassallek, Helene Susbiellek, Marielle Goitschelek (Eutsi), Iñaki Etxanizek (NUPES), Vincent Bruk (Elkarrekin), Thibaut Pathiasek (Volt), Philippe Jouvetek (eskuina)eta Thomas Richek (etiketarik gabe). Hala, eskatu diete har dezatela «bake prozesua desblokeatzeko» urratsak egiteko ardura.