Gaur goizaldean Ertzaintzak arrantzontzi bateko bederatzi arrantzale erreskatatu behar izan ditu Debako (Gipuzkoa) kostan. Eusko Jaurlaritzako Barne Sailak jakinarazi duenez, Sakoneta inguruan hondo jo ondoren itsasontzia ez aurrera eta ez atzera geratu da, eta goizeko bostetan Deba eta Zumaia arteko inguru horretara joan behar izan du Ertzaintzak.
Arrantzontzia Bermeokoa da (Bizkaia), eta goizeko zortziak inguruan atera dituzte azkenean onik, Itsas Salbamenduko helikoptero baten laguntzarekin. Salbamendu taldeko kide batek adierazi duenez, motorrik gabe geratu da itsasontzia, eta noraezean jo du hondoa.
istripua
Bermeoko arrantzontzi bateko bederatzi arrantzale erreskatatu dituzte Deban
Motorrik gabe geratu da itsasontzia, eta Itsas Salbamenduko helikoptero baten laguntzarekin atera dituzte goizeko zortzietan, onik.
Iruzkinak
Ez dago iruzkinik
Ordenatu
