Iruñeko Udaltzaingoak bi gizonezko atxilotu ditu, emakume bat bortxatzea egotzita, Iruñean; erasoa Aranzadi inguruan gertatu da.
Zer gertatu den ikertzen ari dira; oraingoz, ez dute beste xehetasunik eman.
iruñeko Udaleko bozeramaile batzordea bildu egin da gaur, eta adierazpen bat onartu du. Alderdi politiko guztiek arbuiatu dute emakumeak jasandako sexu erasoa, eta babesa agertu diote.
Sexu erasoak amaiarazteko konpromisoa ere hartu dute adierazpen horretan, eta emakumeen askatasuna bermatzeko eta haien segurtasuna hobetzeko borondatea agertu dute.
Udal ordezkariek elkarretaratze bat egingo dute astelehenean, 12:00etan, erasoa publikoki salatzeko.
