Bi pertsona atxilotu dituzte Bilbon, emakumeen sexu esplotazioa leporatuta

BILBO. Bi emakume atxilotu dituzte Bilbon, andreen sexu esplotazioa leporatuta. Atzo eman zuten atxiloketaren berri, baina Espainiako Poliziak duela aste batzuk egin zuen operazioa. Prostituitzera behartutako emakume batek eginiko salaketa batengatik abiatu zuten ikerketa. Bilboko bi prostituzio etxe erregistratu zituzten. Kolonbiatik eta Venezuelatik Euskal Herrira etortzen laguntzen zieten andreei, eta sexu harremanak izatera behartzen zituzten bidaiako zorrak ordaintzeko.