Borda eta Alberdi euskaltzain oso izateko bidean dira

GASTEIZ. Euskaltzaindiaren Gasteizko ordezkaritzan, Etxezarra eraikinean, osoko bilkura egin zuten atzo, eta bertan aurkeztu zituzten Itxaro Borda eta Andres Alberdi euskaltzain oso izateko hautagaitzak. Borda Xarles Bidegainen hutsartea betetzeko hautagaia da; Alberdik, berriz, Andoni Sagarnak utzitakoa betetzea da asmoa.