Burgosko, Errioxako eta Oskako euskal hiztegiak

Aitor Arana idazle, itzultzaile eta hiztegigileak Burgosko, Errioxako eta Oskako euskal hiztegiak aurkeztu zituen atzo Donostiako udal liburutegian. Hiru liburuotan, antzina Espainiako hiru probintzia horietan erabiltzen zuten euskararen lekukotasun idatziak bildu ditu egileak, hiru lekuotako euskara nolakoa zen erakusteko asmoz; orain arte, lekukotasun horiek argitalpen espezializatuetan jasoak zeuden.