Die Linkek itxaropena agertu du alderdi berriaren inguruan

Stefan Liebich Alemaniako Bundestageko legebiltzarkide eta Die Linke ezkerreko alderdiko nazioarteko batzordeko kideak itxaropena agertu du ezker abertzaleak sortu asmo duen alderdi berriaren inguruan. «Alderdia prozesu demokratiko baten emaitza da, eta, indar politiko guztien parte-hartzearekin, Euskal Herriko gatazkaren konponbide demokratikorako oinarria izan liteke». Gogora ekarri du alde bakarreko erabakian indarkeria behin betiko uzteko eskatu zaiola ETAri. «Espainiako Estatuak aukera baliatu beharko luke eta neurri berean jokatu; hots, eskubide zibil eta politikoak bermatu eta parte hartze legezkoa ahalbidetu».