EH Baik «herri erronkei» erantzuteko eskatu die Frantziako senatariei

BAIONA. EH Bairen esanetan, Frantziako Senaturako bozketa sistemak «zail» egiten du «Ipar Euskal Herriaren erronkak eta abertzaleen ideiak» eztabaidaren erdigunean kokatzea. Halere, adierazi du hautatuak izan diren senatariengana joko dutela etxebizitza, euskara, trantsizio ekologikoa eta «AHTaren aurkako borroka» mahai gainean jar ditzaten. Horiek guztiak «herri erronkak» direla azaldu du koalizioak, eta, beraz, ezinbestekotzat jo «aitzinamenduak erdiestea».