17:30ean egingo dute jaialdia, HUHEZI fakultateko areto nagusian. Aditu tituluko partaideak irailaren 16az geroztik dira Euskal Herrian, eta abenduaren 10ean joango dira euren herrialdeetara.
Ekitaldian zehar, kantuak, poemak, antzerkia, dantza eta diskurtsoak prestatuko dituzte. Garabideren ekimenez egin dute aditu tituluaren bigarren edizioa, eta elkarteak bideo bat plazaratu du; bertan, parte hartu dutenek kantatu dute Eremunduan abestia. John Buhameak egin du musika eta Jon Sarasuarenak dira hitzak.
