Ernesto Gasco haur pobreziaren aurkako goi mandatari izendatuko du Sanchezek

DONOSTIA. Pedro Sanchez Espainiako Gobernuko presidenteak Ernesto Gasco Donostiako PSE-EEko zinegotzia (Donostia, 1963) aukeratu du haur pobreziaren aurkako goi mandatari kargurako. Ministroen Kontseiluak gaur egingo du izendapen ofiziala. Gasco Donostiako bigarren alkateorde eta Sustapen, Garapen Ekonomikoa eta Turismo zinegotzia da, eta aste honetan egingo die uko kargu horiei. Behin zinegotzi kargua utzita, Cristina Lagek hartuko du haren tokia.