Ostegunean gizon bat hilda aurkitu zuten Gorlizen (Bizkaia). Eusko Jaurlaritzako Segurtasun Sailak gaur jakinarazi duenez, ertzainak ikertzen ari direla heriotza gas ihes baten ondorio izan ote zen. Gizona etxean aurkitu zuten hilotz, eta harekin batera andre bat zegoen, bikotekidea, min hartuta eta ondoezik. Emakumezkoa Urdulizko erietxera eraman zuten.
Ertzainen arabera, hilotza agertu zen tokian ez zegoen inolako bortxa zantzurik, eta horregatik ari dira aztertzen gas ihesaren hipotesia.
