Ertzaintzak jakinarazi duenez, 47 urteko gizon bat atxilotu dute, iragan maiatzean Getxoko kiroldegiko aldageletan sakelakoarekin bideoak grabatzea egotzita. Atzo atxilotu zuten gizona, intimitatearen aurkako delitua egotzita, eta sakelakoa kendu diote. Oraingoz, aske utzi dute, epailearen deiaren zain.
Segurtasun Sailak adierazi duenez, kiroldegiko erabiltzaile batek ipini zuen salaketa. Erabiltzaile hori kiroldegiko banakako dutxa batean zegoen 11 urteko bere alabarekin batera, eta ohartu zen sakelako batekin grabatzen ari zitzaizkiela.
Erabiltzaile horren arabera, sakelakoa alboko banakako dutxan zegoen gizon batena zen, eta, ohartzerakoan, presaka egin zuen ihes. Salatzaileak azaldu duenez, indar egin zuen gizonaren aurka, baina gizonak hockeyko makila batekin jo zuen besoan, eta ihes egitea lortu.
