«Eskola segregazioa» desagerrarazteko arau bat proposatu dute legebiltzarrean

GASTEIZ. Arabako, Bizkaiko eta Gipuzkoako ikastetxeetatik «eskola segregazioa» desagerrarazteko herri ekinbide legegile bat aurkeztu du Zubiak Eraikiz plataformak Eusko Legebiltzarrean. Salatu dute premia gehien dituzten ikasleak «zentro jakin batzuetan» pilatzen direla; hori saihesteko, neurri batzuk proposatu dituzte. Legebiltzarreko mahaiak hilabete du ekinbidea tramiterako onartu ala ez ebazteko.