«Gurea Euskal selekzioa! Fuck Spain! EH irabaztera!». Lehendik ere errana zuen halakorik Ernai gazte antolakundeak, baina hitzetatik ekintzetara pasatu dira gaur: Iruñeko, Gasteizko eta Bilboko denda batzuetara sartu, eta Espainiako futbol selekzioko kamisetak lapurtu dituzte. Arrazoia, bat eta bakarra: «Espainiako selekzioak jokatzen duen bakoitzean Euskal Herriaren erabakitze eskubidea eta burujabetza ukatzen direlako».
Udako kanpainaren barneko ekintza bat izan da gaurkoa, Euskal Herria irabaztera! Faxismoari ez! lelopean egiten ari direna, eta salatu dute Euskal Herrian faxismoa «espainolismo atzerakoiaren forma» hartzen ari dela.
