Ameriketako Estatu Batuetako, Europako eta, berrikiago, Hego Euskal Herriko ikastetxeetako mobilizazioen harira, Baionako Bernat Etxepare lizeoko Ikasle Abertzaleak taldeak Palestinaren aldeko kanpaldia abiatuko du, gaur, lizeoan berean.
Kanpaldiaren arrazoiak eman ditu agiri bidez: «Alde batetik, salatzeko Israelgo Estatu sionista Palestinan ematen ari den genozidioa, bestetik, mundu mailan zabaldu den mobilizazio ziklo berrian gure aportazioa egin ahal izateko eta horrez gain, mobilizazio ziklo honetan, errepresioa jasaten duten guziei gure elkartasuna adierazteko».
Egitarau bat finkatu dute kanpaldiaren deitzaileek: 17:30ean harrera eginen zaie kanpaldikoei eta tailerrak izanen dira. 19:00etan hitzaldi bat, eta 20:30ean gaubeila. Bihar goizeko, berriz, gosaria antolatu dute 07:30ean.
