Sanferminetako festa giroan ere, euskal preso, iheslari eta deportatuen egoera konpontzeko dagoela gogoratuko du Etxerat-ek Iruñeko sanferminetan. Agerraldia egin dute Iruñeko Burguen plazan, aurtengorako antolatu dituzten ekinaldien berri emateko.
Bi ekinaldi nagusi antolatu dituzte. Bata, uztailaren 4rako. Etxera kalejira, konponbidearen, elkarbizitzaren eta etxeratzearen alde, lelopean. Egun horietarako sanfermin giro betean izaten da hiria, eta Etxerat-en xedea da auziari ikusgaitasuna ematea, konpontzeko arazo bat badagoela gogora ekarrita.
Bestalde, uztailaren 8rako, Etxera Eguna antolatu dute. Herri bazkaria, ekitaldia, kalejira elektrotxarangarekin eta kontzertuak izango dira bertan.
Horrekin batera, Etxera aldarrikapena etxeetako balkoietan eta gainerako txokoetan jartzeko deia ere egin dute.
