«Euskal elitea» XVIII. mendean euskaraz aritzen zela erakusten duen gutun sorta

BILBO. Euskadiko Artxibo Historikoan Joaquin Ignacio de Barrenetxearen korrespondentzia aurkeztu zuten atzo, XVIII. mendeko agiri sorta bat. Kultura sailburu Bingen Zupiriak nabarmendu zuen gutunek erakusten dutela aro hartan «euskal eliteek» erabili ohi zutela euskara, baita eremu jasoetan ere: esaterako, erlazio diplomatikoetan.