«Euskal presook politikoki eta pertsonalki suntsitzeko espresuki prestatutako politikaren ondorio zuzena» da Igor Gonzalez Sola presoaren heriotza, Euskal Preso Politikoen Kolektiboak adierazi duenez. BERRIAri igorritako ohar batean, presoen kolektiboak «samina» azaldu du Gonzalez Solaren heriotzarengatik, eta gaineratu du egungo espetxe politika «gizagabeak» arduradun «zehatzak» dauzkala. Horregatik, horiei eskatu die indarrean dagoen espetxe politika «alboratzeko»: «Behin gehiengoaren adostasunak lortuta, abia ditzatela preso guztiok kaleratzeko urratsak».
Gainera, EPPK-k azaldu du COVID-19aren eraginez espetxeetan hartutako neurriekkalte egin dietela presoen eskubideei; horregatik, uste du egungo osasun testuinguruan «preso guztiak bakoitza bere herrialdean egotea» dela «zentzuzkoena»; horien kasuan, Euskal Herrian egotea dela «bidezkoena».
Euskal presoak «suntsitzeko» politika arbuiatu du EPPK-k
Gonzalez Sola hil dela eta, «samina» azaldu du presoen kolektiboak. Espetxe politika «gizagabea alboratzeko» eskatu du
Iruzkinak
Ez dago iruzkinik
Ordenatu
