Euskaltzaindiak bat egin du Nafarroa Oinez-ekin

Euskaltzaindiak bat egin du Nafarroa Oinez 2010 Nafarroako ikastolen jaialdiarekin. Urriaren 17an ospatuko den festa hori antolatzea Atarrabiako Paz de Ziganda ikastolari dagokio; horregatik, Euskaltzaindiak gaur ikastetxe horretan egingo du osoko batzarra. 12:30ean, Ikastola mugimendua. Dabilen herria liburua aurkeztuko dute, Euskaltzaindiaren eta Ikastolen Elkartearen arteko lankidetzaren emaitza. Ondoren, Pello Mirena Gurbindo alkateak euskaltzainak hartuko ditu, eta arratsaldean ekitaldi berezi bat eskainiko dute ikastolako kideekin batera. Besteak beste, Iñaki Erroz ikastolako zuzendariaren agurra, hainbat euskaltzainen hitzaldia, liburuaren azalpena eta ikastolako abesbatzaren emanaldiak jarraitu ahal izango dira.