Zer dago jokoan hauteskunde hauetan?
Aldaketa eta aro berri bat dago jokoan, nire ustez. Euskal gizarteak aldaketa bat nahi du, behar du, eta horixe adierazten ari da azken hiletan. Gaur egun Euskal Herrian dugun panorama politikoa negargarria da euskaldunontzat. Ez aurrera ez atzera gabiltza. Gure hizkuntza gero eta zapalduago dago, gero eta hizkuntza eskubide gutxiago dugu, eta gauza bera esan dezakegu, nola ez, euskal nortasunari dagokionez.
Zer itxaropen duzu emaitzaren harira?
Aldaketa hori etortzea da nire itxaropena, eta konbentzituta nago herritarrok, oraingoan bai, aldaketa erabakiko dugula gure botoarekin. Eszenatoki berria martxan jarrita, esandako guztiak betetzeko eskatzen diet politikariei.
