Fisikako Nobel saria, neutrinoek masa dutela frogatu zuten bi ikertzailerentzat

ZIENTZIA. Takaaki Kajita japoniarrak eta Arthur McDonald kanadarrak jasoko dute aurtengo Fisikako Nobel saria. Neutrinoei buruz egindako ikerketen harira saritu dituzte. Unibertsoko partikularik ugarienak dira neutrinoak, eta haien oszilazioa aurkitu zuten bi ikertzaileek; neutrinoek masa dutela, horrenbestez. Aurkikuntza «oinarrizkoa» izan zela nabarmendu du Suediako Zientzia Akademiak.