Garean-ek dio egin egingo dela Lizarran pailazoen ikuskaria

Pirritx, Porrotx eta Marimotots pailazoek Navarra Sumarekin egin dute topo berriz. Oraingoan, Lizarran: Garean Euskaldunon Elkarteak jakinarazi duenez, otsailaren 5ean hirukotearen emanaldirako eskatu zuten udal kiroldegia, azken hamar urteotan bezala, baina udalak ukatu egin die baimena, lehen aldiz, entrenamenduak daudela argudiatuta. Elkartekoak harrituta agertu dira, kiroldegiaren kudeatzaileek eta kirol taldeek ez dietelako eragozpenik jarri. Beste leku bat emateko eskatu diote udalari; izan ere, ikuskizuna egin egingo dela berretsi du elkarteak.