Lantegi batzuetatik jendea atera dute gaur arratsaldean Usurbilen (Gipuzkoa) eta N-634 errepidea ere itxi dute. Gas isuria obretako makina batek eragin du, nahi gabe gas hodi bat lehertuta. Ertzaintza eta suhiltzaileak bertara joan dira eta haiek jarri dituzte abian segurtasun neurriak.
Eusko Jaurlaritzako Segurtasun Sailak jakinarazi duenez, 16:30etarako konpondu dute arazoa, Naturgaseko teknikariak bertara joanda.
