40 urteko gizon bat atxilotu du Gasteizko Udaltzaingoak, neska lagunari eraso egitea egotzita. Udaltzaingoak jakinarazi duenez, atzo 11:30ak aldera jaso zuen emakume baten deia, Polizia hara joateko eskatzeko. Mutil lagunak eraso egin ziola eta esku artean labana bat zuela salatu zuen.
Agenteak bertaratzean, egiaztatu zuten gizonak emaztea jo zuela familiako eztabaida batean. Erasotzailea atxilotu egin zuten, genero indarkeriako delitu bat leporatuta, eta gaur jarriko dute epailearen esku.
