Ertzainek gizonezko bat atxilotu dute Donostian gaur goizaldean, andre bati sexu eraso bat egitea leporatuta. Atzo salatu zuen emakumeak gizon hori: poliziei azaldu zien orain dela gutxi ezagutu zuela sare sozialen bidez, elkar ikusteko geratu zirela, eta bere borondatearen kontra sexu harremanak izatera behartu zuela. Salaketa hori jasota ebatzi zuen Ertzaintzak gizonezkoa atxikitzea. Non zegoen argitu, eta atxilotzera joan ziren.
Erasoaz gain, bestelako bortxazko portaeren berri ere eman zien andreak ertzainei, eta, esaterako, kontatu zuen gizonak «kontrolatu» egiten zuela. «Zer egiten zuen, norekin zegoen»: horien gainean egon nahi izaten zuen beti gizonak. Adiskideekin egotea ere galarazten zion emakumeari.
45 urte ditu atxilotu duten gizonak.
