Behin-behinean espetxean sartu dute Donostian emakume bati sexu erasoa egiteagatik atxilotutako gizona. Ertzaintzak atzo atxilotu zuen 33 urteko gizona, joan den astean emakume batek aurkeztutako salaketa baten ondorioz.
40 urteko emakumeak martxoaren 31n jarri zuen salaketa Ertzaintzan, eta adierazi zuen goizalde hartan sexu eraso baten biktima izan zela Donostian. Azaldu zuenez, ezezagun bat kalean hurbildu zitzaion eta harekin joan zedin tematu zen. Emakumeak uko egin zion, eta gizonezkoak, indarkeria erabilita, aparkaleku batera eraman zuen; han zela, immobilizatu egin zuen eta bertan eraso egin zion.
