Gizon baten gorpua aurkitu zuten atzo arratsaldean Zaratamon (Bizkaia), Arkotxa auzoko errepide baten bazterrean. Ertzaintzak ikerketa abiatu du hildakoa identifikatzeko eta gizona zergatik hil den argitzeko.
16:30ean aurkitu zuten gorpua, Txomin Egileor errepide bazterrean, industria pabiloi abandonatu batzuen inguruan, Eusko Jaurlaritzako Segurtasun Sailak jakinarazi duenez. Herritar batek aurkitu zuen. Bilboko Auzitegi Medikuntzako Institutura eraman dute, autopsia egitera.
