Gizonezko bat atxilotu dute Gasteizen bere emaztea jo duelakoan

Jaurlaritzako Herrizaingo Sailak jakinarazi duenez, Ertzaintzak 53 urteko gizonezko bat atxilotu zuen atzo Gasteizen, emaztea jo zuelakoan. Bien etxean eztabaida izan zutela dio Ertzaintzak, eta eztabaida horretan jo zuela gizonezkoak emakumezkoa. Bikotearen bizilagunek deitu zioten Ertzaintzari, emakumearen garrasiak entzundakoan. Ertzaintzak emakumearekin hitz egin zuen, eta gizonak jo egin zuela baieztatu ondoren, hura atxilotu zuten.