"Internet bidez terrorismoa goresteagatik" atzo goizean Ordizian (Gipuzkoa) atxilotu zuten 32 urteko gizonezkoak -X.R.T.- Guardia Zibilaren esku segitzen du. Askatasunak jakinarazi duenez, ez dago inkomunikaturik baina denera hiru egun pasako ditu kuartelean, eta bihar Espainiako Auzitegi Nazionalera eramango dute, Ismael Moreno epailearen aurrera.
Guardia Zibilaren arabera, X.R.T.-k modu anonimoan idazten zuen sareko foroetan, eta Espainiako bandera "laidotzen" zuen, "terrorismoaren biktimen kontrako irainak" idazten zituen eta "ETAren ekintza terroristak justifikatzen" aritzen zen.
"Interneten adierazpen askatasuna mugatu eta beldurra hedatzeko helburua dagoela salatu nahi dugu", dio Askatasunak. "Munduan dauden ideia eta ideologia guztietako mezuek lekua duten eremua da sarea, eta ez da kasualitatea hor ere mezu batzuk zigortuak egotea. Euskal Herriak bizi duen salbuespen egoeraren beste adibide bat da atzoko atxiloketa".
Atxiloketa
Guardia Zibilaren esku segitzen du atzo Ordizian atxilotutako gizonezkoak
Ez daukate inkomunikatuta baina bihar arte ez dute epailearen aurrera eramango. "Internet bidez terrorismoa goresteagatik" atzeman zuten.
Iruzkinak
Ez dago iruzkinik
Ordenatu
